ការស្រាវជ្រាវបានបង្ហាញថា មនុស្សយើងគ្រប់គ្នាត្រូវការការឱបយ៉ាងហោចណាស់ម្ដងក្នុងមួយថ្ងៃដើម្បីសុខភាព និងសុភមង្គលផ្លូវចិត្ត។ មូលហេតុគឺដោយសារ “ការឱប” នឹងបញ្ចេញអ័រម៉ូននៃសេចក្ដីសុខ (Hormones of Happiness) ដែលធ្វើឲ្យយើងមានអារម្មណ៍ប្រសើរឡើង។
រូបតំណាង
ជាងនេះទៅទៀត មនុស្សដែលទទួលបានភាពកក់ក្ដៅពីសង្គមខាងក្រៅ នឹងអាចកាត់បន្ថយហានិភ័យនៃជំងឺគ្រុន ក៏ដូចជាជំងឺផ្ដាសាយ។ ការឱបអាចនឹងបង្កើនអេម៉ូក្លូប៊ីន និងជួយសម្រួលឲ្យឈាមរត់បានល្អ។
ការឱបរយៈពេល ២០វិនាទីអាចកាត់បន្ថយភាពតានតឹង និងជំងឺធ្លាក់ទឹកចិត្តបាន។ ការឱបនឹងបង្កើនកម្រិតនៃសារធាតុ Oxytocin ដែលជាអ័រម៉ូនដៃក្ដីស្រលាញ់មួយដែលជួយបង្កើនភាពស្និទ្ធស្នាលរវាងគូស្នេហ៍។ សារធាតុ Oxytocin ក៏អាចជួយបង្កើនភាពស៊ាំនឹងការឈឺចាប់ ដោយដើរតួនាទីដូចជាថ្នាំបំបាត់ការឈឺចាប់ដែរ ព្រមទាំងជួយឲ្យសរសៃ និងសាច់ដុំសម្រាកបានធូរស្រាល និងកាត់បន្ថយសម្ពាធឈាម។
ជាមួយគ្នានេះដែរ ការគេងនៅក្បែរមនុស្សដែលយើងស្រលាញ់គឺជាឱសថល្អបំផុតសម្រាប់ព្យាបាលជំងឺគេងមិនលក់។ យ៉ាងណាមិញបើសិនអ្នកមិនមានគូស្នេហ៍ អ្នកក៏អាចឱបសត្វឆ្កែ ឬឆ្មាដែលខ្លួនចិញ្ចឹមបានដែរ សូម្បីតែឱបរបស់គ្មានជីវិត ដូចជាតុក្កតាក៏អាចជួយបន្ធូរភាពភ័យខ្លាច និងការព្រួយបារម្ភរបស់មនុស្សយើងបានដែរ។
ចំពោះមនុស្សចាស់ដែលតែងមានអារម្មណ៍ឯកោ និងរស់នៅម្នាក់ឯង ការឱបគឺរឹតតឺសំខាន់ទៅទៀត។ ដូច្នេះហើយ កុំភ្លេចឱបមនុស្សដែលខ្លួនស្រលាញ់ឲ្យបានច្រើនណា ៕
រូបតំណាង
#Kanha
No comments:
Post a Comment